venres, 16 de febreiro de 2018

ENTROIDO 2018

Bós e chuviosos días, peixiños!

Perdón por estar tantos días sen vir por aquí, pero...este Entroido acabou comigo! Non sei se sabedes que os nenos e nenas do cole leváronme por aí de desfile o sábado polas rúas do pobo subida nunha carroza! Ai, que bien o pasei! Iso sí, rematei esgotada de tanto bailar e menear as escamas, pero o que  desfrutei...😍😍

E por certo...mira que estabades guap@s o venres todos disfrazados de libros! Hei de confesar que me fixo tanta ilusión que algunha lagrimiña sí que soltei 😊. Así que para poder presumir diante dos menús amigos e amigas fixen este vídeo onde saídes tod@s impresionantes. Espero que vos guste!

Bicos emocionados

Estrela


UMQO0737[1] from ceipenriquebarreiro on Vimeo.

mércores, 7 de febreiro de 2018

Así falou don Enrique: xoves

Velaí vai o último mandato deste ano:



A mascota da nosa biblio
chámase Estrela e é unha peixa
sempre está aí, axudando,
sen dar unha soa queixa.
                                                                                             
Un día chegou nadando
coas súas escamas coloridas
gustoulle tanto Vilariño
que quedou aquí de por vida.

O xoves vestiremos como ela
cada prenda dunha brillante cor
Seguro que á nosa Estreliña

faralle moooooita ilusión.

martes, 6 de febreiro de 2018

Así falou don Enrique: mércores

Cantas cousas hai na biblio!


Na nosa biblio hai de todo
cada quen ten o seu recuncho favorito.
Aquí les historias, descubres ciencias
ou aprendes a facer un ovo frito.

Cada tema ten un código, un debuxo e unha cor.
Empeza a empregalos, ánimo!, sen medo,
e pronto atopar o que buscas
para ti non terá ningún segredo.

O mércores deixarei que elixas
o complemento que máis che acaia.
Gorro de cociñeira?, Capa de superheroe?
Bata de médica? De bailarín, saia?

Rabo de león?, Científicos pelos?
Tocado de faraona? De rato, o bigote?
Pensa no teu tema, busca un obxecto
e vén feito un monigote.

luns, 5 de febreiro de 2018

Así falou don Enrique: martes

Velaí van as instrucións para martes:



Xusto ao lado da biblio
está o cuarto da caldeira
que non para de botar gases
semella unha vaca peideira!
Se estamos alí traballando
collemos un colocón.
Pedímoslle a quen corresponda
que lle poña solución.
Mentres tanto non se amaña
atent@s tod@s, pandilla
para poder respirar
o martes traemos mascarilla!

Así falou don Enrique: luns

Entramos na semana de Entroido e don Enrique, tan riquiño el,danos a instrucións para vir adobiad@s cada día .

Atención: Luns!


O entroido está aquí de novo
e xa me toca falar
de que vimos cada día?
Como nos imos disfrazar?
Pois coma sempre, do proxecto.
Este ano estou contento
despois de arranxar a fachada
toca mirar o de dentro.
A biblio é a protagonista
onde pasan as cousas importantes
Para non perdernos nada
o luns virmos con gafas rechamantes!

venres, 26 de xaneiro de 2018

LUIS SAMPEDRO, CIENTÍFICO DO CSIC, NA BIBLIO DE ESTRELA.

Daniel Calo Castro, reporteiro da Biblio de Estrela

O venres 19 de xaneiro de 2018 o científico Luis Sampedro visitou o noso cole coa intención de dar unha charla sobre a súa estancia na Antártida.

O científico, contounos os segredos dunha viaxe ao continente branco, un continente descoñecido pero apaixonante. Describiunos o traballo que foi facer na base ceintífica española “Gabriel de Castilla” xunto con outros integrantes da expedición. 
Mostrounos fotos e vídeos das espectaculares paisaxes que se poden apreciar no “continente pulsante” e descubriunos os segredos daquelas terras e da súa fauna.
Non se limitou so con iso, ata chegou a imitar animais como o pingüín ou a foca, deixándonos claro a diferenza entre foca e lobo mariño. A súa visita foi moi divertida, pero sobre todo, moi interesante.

Finalmente, os rapaces de quinto e sexto fixéronlle unha entrevista para o xornal escolar que están elaborando.

Queremos darlle as grazas por pasar unha parte do seu tempo con nos, por contarnos a súa experiencia e achegar Vilariño a un continente tan alonxado e tan fascinante.